Stærðarleiðbeiningar

Að velja rétta stærð 

Icewear flíkur eru hannaðar til að endast lengi en þá skiptir máli að finna rétta stærð. Rétt stærð tryggir bæði hámarks þægindi og hreyfifrelsi ásamt því að lágmarka óþarfa álag á sauma við notkun. Þegar flíkin situr rétt endist hún mun betur í gegnum öll ævintýrin. Hér að neðan má finnar almennar stæðarleiðbeiningar en hægt er að finna nákvæmar mælingar undir vörulýsingu hverrar vöru.

Fljótlegasta leiðin til að finna réttu stærðina er oft sú að grípa flík úr eigin fataskáp sem passar vel, leggja hana flata á borð og bera mælingarnar saman við stærðartöfluna okkar. Þegar þessi aðferð er notuð er gott að hafa í huga að mismunandi efni teygjast og hegða sér á ólíkan hátt, sem þýðir að örlítill stærðarmunur getur verið á milli ólíkra gerða af flíkum.

Einnig þarf að hafa í huga hvernig flíkin á að passa og hvort hún eigi að sitja þétt að líkamanum eða vera með aukið rými fyrir afslappaðri stíl. Innsta lagið á að sitja þétt að líkamanum til að halda hita, á meðan til dæmis úlpa er sniðin rýmri til þess að hægt sé að klæðast peysum undir og verjast veðrinu.

Vítt snið

Icewear býður einnig upp á Comfort Size línuna, sem inniheldur buxur og jakka í víðara sniði. Flíkurnar í þessari línu, eins og Már og Mía, eru hannaðar með auknu rými um búk og mitti og hentar þeim sem finnst hefðbundar útivistarstærðir of þröngar. Þetta tryggir að hægt sé að njóta útiverunnar án þess að fórna þægindum eða hreyfifrelsi.

Yfirhafnir

Þegar kemur að jökkum eða úlpum er gott að hafa í huga hvaða klæðnað á að vera í undir. Fyrir vetrarúlpu sem á að fara yfir þykkar peysur getur aðeins rýmra snið hentað betur miðað við þegar léttur skeljakki er valinn.

Buxur

Hjá Icewear er hægt að finna fjölbreytt úrval af buxum fyrir allar aðstæður. Ef ætlunin er að nota buxurnar í kulda er gott að hafa þær aðeins rýmri til þess að hafa pláss fyrir grunnlag undir. Hins vegar á grunnlagið að sitja þétt að svo það haldi hita á áhrifaríkan hátt.

Sokkar og skór

Að halda fótunum þægilegum er lykillinn að góðum degi úti í náttúrunni. Þar sem Icewear býður upp á fjölbreytt úrval af hágæða skóvörumerkjum, þar á meðal Asolo og Salewa, samhliða Icewear línunni, er mikilvægt að skoða stærðirnar undir vörulýsingunni vel.

Þegar skófatnaður er valinn fyrir veturinn eða komandi gönguferðir er mikilvægt að huga að þykkt þeirra sokka sem á að nota við. Ef ætlunin er að klæðast þykkum ullarsokkum fyrir aukna hlýju getur verið skynsamlegt að velja aðeins rýmri skóstærð fyrir aukin þægindi.

Áreiðanlegasta leiðin til að finna rétta skóstærð er að mæla fótinn frá tábergi og aftur að hæli, og skilja eftir smá svigrúm svo tærnar hafi nægt pláss en til að fá rétta sokkastærð er mælt með að mæla í beinni línu frá tánni að miðjum ökkla. Gott er að hafa í huga að ullarsokkar hafa oft náttúrulega teygju og því tryggir þessi mæling að þeir sitji vel.

Fylgihlutir 

Fylgihlutir skipta sköpum þegar kemur að útivist, bæði til að toppa lúkkið og halda hita en mikilvægt er að þeir passi vel.

Stærðarleiðbeiningar fyrir barnaföt

Icewear miðar stærðir barnafatnaðar við hæð barna í sentimetrum. Ef barnið þitt er á milli stærða eða alveg á mörkum hæðarmælingar er mælt með því að velja stærri gerðina. Þannig nýtist flíkin lengur og barnið fær jafnframt betra hreyfifrelsi.

Þegar kemur að fylgihlutum eins og húfum og hönskum er miðar Icewear við aldur barna. Þar sem vöxtur er einstaklingsbundinn er aldurinn þó aðeins gróft viðmið og því er öruggast að mæla barnið til að tryggja fullkomið snið.

Til að húfan eða hatturinn sitji vel í öllum útivistarævintýrunum er best að mæla höfuðummálið með mjúku málbandi. Mælingin er tekin með því að vefja málbandinu um höfuðið, um það bil einum sentimetra fyrir ofan augabrúnir og eyru, og draga það yfir breiðasta hluta höfuðsins að aftan án þess að herða of fast.

Enn í vafa?

Ef þú ert í vafa eða á milli stærða er þér velkomið að hafa samband við Icewear teymið sem hjálpar þér með glöðu geði að finna hina fullkomnu stærð fyrir nýju Icewear flíkuna þína.