Kynningar

Icewear Magasín

Í Icewear Magasín má finna úrval af útivistarfatnaði, skóm og fylgihlutum frá ýmsum þekktum vörumerkjum, svo sem Helly Hansen, Fjällräven, Hestra, MT Hekla, Salewa og Asolo, auk okkar eigin vörumerkis Icewear. Icewear Magasín er staðsett á nokkrum stöðum á höfuðborgarsvæðinu: Laugavegi 91, Smáralind, Kringlunni, Fákafeni 9 og Akureyri. Í Icewear Magasín á Laugavegi 91 má finna heilan heim af útivistarvörum og mikið úrval af þekktum vörumerkjum á 30-60% afslætti. Icewear Icewear leggur metnað í að hanna og framleiða hágæða útivistarfatnað á sanngjörnu verði. Fatnaðurinn er hannaður á Íslandi fyrir íslenskar aðstæður, en við þekkjum öll hve óáreiðanlegar aðstæður geta skapast þegar íslenska veðrið er í ham. Icewear trúir því að útivist sé fyrir alla og leggur upp úr því að hanna fjölbreytt úrval af hágæða útivistarfatnaði á góðu verði til að sem flestum í samfélaginu sé aðgengilegt að stunda útivist. Asolo Asolo er leiðandi ítalskt skómerki sem sérhæfir sig í framleiðslu á skóm sem eru sérstaklega hannaðir fyrir gönguferðir, útivist í þéttbýli og bakpokaferðir. Þeir hafa verið í fararbroddi nýjunga í skóm síðan 1975. Salewa Salewa hannar tæknilega skó fyrir útivist með einstakri blöndu af hefðbundnum efnum og framsækinni hönnun. Skór þeirra nota mismunandi snið sem henta hverjum athöfnum, hvert með sínu einstaka jafnvægi á milli grips, veggrips og stöðugleika. Fjällräven Fjällräven er sænskt útivistarmerki sem sameinar hagnýta hönnun, sterkt efnisval og sjálfbærar lausnir. Þekktar vörur eins og Kånken-bakpokinn og fatnaður úr G-1000 efni hafa unnið sér traustan sess meðal útivistarfólks og ferðalanga um allan heim. Fjällräven hentar sérlega vel í íslenskar aðstæður þar sem áreiðanleiki og ending skipta öllu máli. Helly Hansen Helly Hansen er enn eitt leiðandi skandinavískt tískumerki. Það býður upp á fjölbreytt úrval af fjölnota, léttum fatnaði og búnaði. Fatnaður frá Helly Hansen er fullkominn fyrir alls kyns ævintýri, hvort sem þú ert á fjallstindum, í skógi eða í þéttbýli. Icewear Magasín býður upp á alls kyns vörur frá Helly Hansen fyrir alla fjölskylduna; göngubuxur, stuttermaboli, úlpur, jakka, grunnlag, töskur og fjöldan allan af fylgihlutum. MT Hekla MT HEKLA er glæsileg útivistarverslun sem er staðsett í Kringlunni og á Skólavörðustíg 16. Verslanirnar eru með fjölda flottra vörulína líkt og Fjällräven, Hestra og MT Hekla. Black Sheep collection Markmið Icewe­ar að vera leiðandi í bæði hönn­un og sjálf­bærni, útivistarlínan Black Sheep Collection er eina línan á Íslandi sem er OEKO-TEX® STANDARD 100 umhverfisvottuð og er hún sérstaklega hönnuð fyrir hreyfingu við íslenskar aðstæður. Flíkurnar eru með íslenskri ullar­fyll­ing­u og er ytra byrði úr endurunnum efnum sem tryggja liðleika en um leið vatns­frá­hrind­andi.

Lesa meira

Jólagjafir 2026

Hvað á að gefa í jólagjöf  Jólagjafir hafa verið stór partur af jólamenningu íslenskra heimila í aldanna rás. Sú hefð að hver heimilismaður verði að fá nýja flík á jólunum hefur haldist hjá mörgum til dagsins í dag. Verslanir Icewear bjóða upp á fjölbreytt úrval af sniðugum gjöfum hvort sem er í jólapakkann eða fyrir hátíðina sjálfa.

Lesa meira

Icewear FESTIVAL

Komdu með í FESTIVAL Hvort sem leiðin liggur á tónlistarhátíð, í útilegu með vinunum eða í ferðalag um landið, þá er FESTIVAL fatnaðurinn fullkominn fyrir sumarið eins og það gerist best. Léttur, þægilegur og fjölhæfur fatnaður sem hentar jafnt í sólinni, kvöldkuldanum, rigningunni og öllu þar á milli. Íslenska sumarið býður upp á alls konar veður og því skiptir miklu máli að vera vel búin. FESTIVAL sameinar þægindi, hreyfifrelsi og stílhreint útlit svo þú getir notið hvers augnabliks, hvort sem þú ert að dansa fram á nótt, vakna í tjaldinu eða leggja af stað í næsta ævintýri.

Lesa meira

Regnfatnaður fyrir börn

Icewear býður upp á fjölbreytt úrval af regnfatnaði fyrir börn eins og vatns- og vindhelda regnjakka, regngalla og regnbuxur sem verja gegn íslenskri veðráttu. Endurskin eru á öllum pollagöllum til að auka öryggi barna í skammdeginu. Pollaföt fyrir börn Hægt er að finna mikið úrval af pollafötum fyrir börn, og vatnsheldir saumar tryggja að börnin haldist þurr, hvað sem á dagana drífur. Regnföt fyrir börn Skelfatnaðurinn fyrir börn hjá Icewear er vatnsheldur og öndunarhæfur svo þau geti leikið sér úti, hoppað í polla og stundað útivist án þess að hafa áhyggjur af vætu eða vindi.

Lesa meira

Fatnaður og gjafir fyrir starfsfólk

Icewear einfaldar fyrirtækjum að velja starfsmannafatnað og gjafir fyrir starfsmenn eða viðskiptavini hvort sem um ræðir vörur eða gjafakort. Fyrirtækjaþjónusta Icewear býður upp á sérsniðnar og hnitmiðaðar hugmyndir fyrir þinn starfsmannahóp sem stuðlar að aukinni útivist og vellíðan. Fyrirtækjaráðgjafar Icewear aðstoða öll fyrirtæki stór sem smá á sala@icewear.is.

Lesa meira

Black Sheep vörulína

Black Sheep Collection er umhverfisvæn OEKO-TEX® STANDARD 100 gæðavottuð útivistarlína. Vörulínan er sérstæð á heimsvísu með sinni einstöku ullarblöndu þar sem fatnaður línunnar er fylltur með 60gr af íslenskri ull. Flíkurnar eru því léttar og hlýjar, þökk sé einstökum eiginleikum íslensku ullarinnar. Hönnunin er tímalaus og umhverfisvæn en einungis hágæða efni eru notuð í línuna þar sem hvert smáatriði er vel úthugsað.  OEKO-TEX® STANDARD 100 Black Sheep Collection vörulínan er OEKO-TEX® STANDARD 100 gæðavottuð en það þýðir vottun frá þriðja aðila sem tryggir að varan sé laus við skaðleg efni. Það er að segja að viðskiptavinurinn getur verið viss um að hann er að kaupa umhverfisvæna flík, sem er vottuð af óháðum aðila sem er hvorki vörumerkið sjálft né framleiðandinn. Allt efni sem er notað í flíkina: efni, tvinni, teygjur, rennilásar, smellur o.s.frv. hefur verið prófað fyrir skaðlegum efnum og er því öruggt. OEKO-TEX® STANDARD 100 vottuð flík er með QR kóða sem viðskiptavinur getur skannað og fer þá beint inn á vottunina. Lesa nánar um OEKO-TEX gæðavottun Hönnuð fyrir hreyfingu Black Sheep Collection línan er sérstaklega hönnuð fyrir útivist í íslenskum aðstæðum þar sem einstakir eiginleikar íslensku ullarinnar njóta sín til fulls með hámarks einangrun, frábærri endingu, góðri öndun og einstakri varmajöfnun. Ytra byrði línunnar er úr hágæða efnum sem tryggja liðleika en eru um leið vatnsfráhrindandi. Black Sheep Collection er því bylting fyrir útivistarfólk sem vill vistvænni kost og góða virkni við mismunandi aðstæður. Umhverfisvæn útivistarlína Með Black Sheep Collection hefur Icewear gengið skrefinu lengra í átt að sjálfbærni en hönnunin er tímalaus og einungis hágæða efni eru notuð í línuna, flíkurnar eru gerðar til að endast. Útivistarlínan er OEKO-TEX® STANDARD 100 gæðavottuð sem þýðir að hver einasta flík, allt frá efni til þráða þess hafa verið  þaulprófaðar fyrir allt að 350 skaðlegum efnum. Ytra byrði er síðan úr 100% endurunnu nylon.  Íslenska ullarfylling Icewear er gerð úr afgangsull sem áður nýttist ekki í prjónaband ásamt 20% endurunnu PET/bio-polyester til að auka líftíma ullarfyllingarinnar.

Lesa meira

Vetrarfatnaður

Komdu með...í útivist! Hvað er meira „fönn“ en að njóta íslenska vetursins í hlýjum og notalegum útivistarfatnaði? Hvort sem þú ert að skella þér í fjallgöngu, renna þér á skíðum eða njóta ferska vetrarloftsins, þá hefur Icewear allt sem þú þarft til að halda á þér hita – og líta vel út á sama tíma! Fjölbreytt úrval af einangruðum úlpum, hlýjum jökkum, mjúkum ullarpeysum, þægilegum grunnlögum og öðrum gæða útivistarfatnaði fyrir alla. Úrval af vetrarúlpum Icewear býður upp á fjölbreytt úrval af hlýjum og endingargóðum vetrarúlpum með íslenskri ullarfyllingu, dún eða annarri einangrun sem veitir góða vörn gegn kulda, vindi og snjó í íslenskum aðstæðum. Útivistarfatnaður með íslenskri ullarfyllingu Íslenska ullin er einn allra besti valkosturinn fyrir útivistarfatnað vegna einstöku hæfileika hennar á að viðhalda jöfnum líkamshita við síbreytilegar aðstæður og hreyfingu. Útivistarlína Icewear með íslenskri ullarfyllingu samanstendur af mismunandi stílum af útivistarfatnaði og fylgihlutum fyrir hvaða útivist sem er.

Lesa meira

Outlet

Fjölbreytt úrval af útivistarfatnaði og ullarvörum á afslætti í outlet-verslunum okkar. Þar má finna vörur á lækkuðu verði, þar á meðal úlpur, jakkar, buxur og fylgihlutir fyrir alla fjölskylduna. Outlet-verslanir Icewear eru staðsettar á Laugavegi 91 og Fákafeni 9 í Reykjavík, auk þess sem hluti af úrvalinu er aðgengilegur í vefverslun Icewear. Outlet fyrir konur og karla Fjölbreytt úrval af útivistarfatnaði fyrir konur og karla á frábæru verði. Allt frá léttum dryfit bolum yfir hlýjar peysur, jakka og úlpur. Úrval í vefverslun ásamt enn meira úrvali í Outlet verslunum Icewear. Outlet fyrir börn og fylgihlutir Flott úrval af útivistarfatnaði fyrir börn sem meðal annars er einangraður með íslenskri ull. Flíspeysur, hettupeysur og joggingbuxur ásamt fleiru fyrir börnin. Einnig má finna fylgihluti líkt og sokkar, húfur og eynabönd á betra verði í vefverslun og Outlet verslunum Icewear. Fyrir þá sem leita að vönduðum útivistarfatnaði og ullarvörum á hagstæðu verði er Icewear outlet kjörinn kostur. Verslanirnar eru opnar alla virka daga og um helgar, en nánari upplýsingar um það má finna undir opnunartímar.

Lesa meira

Vinsælasti skólafatnaðurinn

Önnin byrjar í Icewear Icewear býður upp á fjölbreytt úrval af vinsælum skólafatnaði. Hlýjar úlpur og fylgihluti fyrir leiðina í skólann, þægilegar peysur fyrir skólastofuna og mjúk joggingföt sem henta vel við lærdóminn.

Lesa meira

Íslensk ullareinangrun

Útivistarfatnaður Icewear með íslenskri ullarfyllingu er umhverfisvænn valkostur. Íslenska ullin er þekkt fyrir einstaka eiginleika sína, hún andar vel, er með góða vatnsheldni ásamt því að viðhalda jöfnum og stöðugum líkamshita í síbreytilegum útivistaraðstæðum. Ullareinangraða lína Icewear samanstendur af úlpum, jökkum, vestum, buxum og fylgihlutum í mismunandi stílum fyrir allan aldur.

Lesa meira

Icewear gerir upp elsta verslunarhúsnæðið við Laugaveg

Verslunarsaga Reykjavíkur á sér djúpar rætur á Laugavegi 1, þar sem hún blómstrar enn meira en öld síðar. Verslunin Icemart, sem er í eigu Icewear, hefur haft aðsetur í húsinu frá árinu 2015 og nú stendur Icewear fyrir miklum endurbótum á byggingunni í nánu samstarfi við Minjastofnun Íslands. Arkitekt verkefnisins, Davíð Pitt, miðar hönnun sína að því að húsið haldi sínum upprunalega svip. Elsta verslunarhúsnæðið við Laugaveg Laugavegurinn sjálfur á sérstakan stað í sjálfstæðisbaráttu þjóðarinnar þegar íslenskir kaupmenn fóru að versla þar sem andsvar við yfirráð útlendinga í Kvosinni en síðan þá hefur gatan aldrei staðið kyrr. Húsum hefur verið breytt, þau flutt eða rifin og ný byggð í þeirra stað. Í dag má finna sýnishorn af nær öllum byggingarstílum sem þekktir eru á Íslandi síðustu 140 árin en á þeirri götu má finna Laugaveg 1.    Laugavegur 1 á sér sérstakan sess í sögu Reykjavíkur þar sem það er meðal elstu húsa borgarinnar og annað elsta sem enn stendur austan lækjar. Húsið var meðal veglegri íbúðarhúsa landsins og heimili valdamikilla manna í næstum hálfa öld.      1848   Þýski trésmiðurinn og málarinn Gustav Ahrenz reisir Laugaveg 1, fyrsta húsið sem byggt er við götuna. Ahrenz hafði áður unnið að stækkun Dómkirkjunnar og byggði meðal annars Lækjargötu 4, sem nú stendur í Árbæjarsafni, og Hollensku mylluna í Bakarabrekkunni. Húsið er talið nr. 2B á Arnarhólslóð í fyrstu og telst eitt af stærri húsum landsins á þessum tíma, þegar þorri almennings bjó enn í torfbæjum. Laugavegur 1 er byggt úr bindingsverki, hlaðið upp með múrsteini og holtagrjóti, klætt timbri að utan og með ferhyrndum steinhellum á þaki.      1850 Jón Pétursson yfirdómari, síðar dómstjóri, kaupir húsið og flyst þangað með fjölskyldu sinni. Næstu hálfa öld gengur húsið undir nafninu Assesorshúsið.    1864 Jón yfirdómari byggir litla viðbyggingu á norðurhlið hússins, sem stendur óbreytt um árabil. 1898 Í lok aldarinnar hefur húsið yngst upp. Gömlu sexrúðugluggarnir hafa vikið fyrir krossgluggum, þrískiptur krossgluggi er kominn á framhlið og bárujárn hefur leyst timburklæðninguna af hólmi. Steinhellurnar á þakinu halda sér þó áfram langt fram á 20. öld.    1903 Verslun flytur inn í húsið, sú fyrsta sinnar tegundar við Laugaveg. Þar með hefst óslitin verslunarsaga sem stendur enn í dag.      1915    Verslunin Vísir hefur starfsemi sína á Laugavegi 1 og verður þar samfellt í heila öld.      2015 Vísir lokar eftir hundrað ára samfellda starfsemi á sama stað. Verslun heldur þó áfram í húsinu þar sem Icemart flutti í húsið og Laugavegur 1 er enn í dag fyrsta og elsta verslunarhúsnæði götunnar.     Framtíðaráform    Icewear, í samvinnu við Minjastofnun Íslands, endurreisir húsið með virðingu fyrir sögu þess. Arkitekt verkefnisins, Davíð Pitt, miðar hönnun sína að því að húsið haldi sínum upprunalega svip. Upprunalega húsið mun fá að njóta sín að nýju og aftar á lóðinni mun rísa nýbygging með verslun í kjallara og fyrstu hæð ásamt gistiíbúðum á annarri hæð.      Þannig mun nýr kafli í sögu hússins hefjast þar sem fortíð og framtíð mætast og Laugavegur 1 mun halda áfram að vera hluti af lifandi verslunargötu.

Lesa meira

Göngufatnaður fyrir íslenskar aðstæður

Icewear býður upp á fjölbreytt vöruúrval á góðum göngufatnaði og gönguvörum líkt og göngubuxur, skeljakka, gönguskó, göngustafi, göngupoka og tjöld. Útivistafatnaður Icewear er sérhannaður fyrir íslenskar aðstæður svo hægt sé að njóta hvaða útivistar sem er óháð veðurfari. Icewear útivistarbuxurnar eru endingargóðar, úr hágæða efni og henta fyrir lengri og styttri gönguferðir. Buxurnar frá Icewear eru léttar, þæginlegar og hannaðar með hreyfingu í huga. Réttur klæðnaður skiptir máli Þegar þú ferð í göngu er mikilvægt að líða vel – rétti klæðnaðurinn skiptir öllu máli og þá sérstaklega hér á landi þar sem veðrið breytist stöðugt. Það sem þú þarft er: Gott grunnlag. Í köldu loftslagi þarf að vanda vel til þess fatnaðar sem er næstur líkamanum. Mjúk merínóull einangrar sérstaklega vel og hentar frábærlega sem grunnlag. Merino grunnlögin eru létt, hlý og taka lítið pláss í bakpokanum. Einangrandi millilag. Peysur sem henta einar og sér eða sem millilag, fyrir kaldara loftslag eða hlýrra. Veðurþolið ytra lag. Skeljakkarnir okkar eru léttir, þægilegir og með endingargóðri vatnsvörn.

Lesa meira