BYLGJADömupeysa prjónauppskrift

Hönnun Bylgju er mjög persónulegt verkefni. Skilaboð frá hönnuði: Ég er með BRCA erfðabreytingu og þurfti að fara í brjóstnám eftir að hafa fengið brjóstakrabbamein tvisvar sinnum. Ég hannaði Bylgju með það í huga að gera brjóstasvæði peysunnar grófara, fylltara en annars. Það var til að fela brjóstaleysið, þetta var viðkvæmt mál. Nú tveim árum síðar hef ég sæst betur við breytinguna og er ekki eins upptekin af að hylja brjóstasvæðið. Þess ber að geta að ég fór ekki í brjóstauppbyggingu.  - Íris Ólöf STÆRÐ Ein stærð Ummál bols ca 104 cm Lengd á bol frá handvegi 27 cm eða eins langur og óskað er eftir. GARN Mohair Silk frá Icewear Garn (25 g/ 250 m). 65% mohair / 35% silk. Saga Wool frá Icewear Garn (50 g /100 m). 100% ull. Magn Mohair Silk #8150 – 100 g Saga Wool #8150 – 50 g Aðallitur – Mohair Silk #8150 Aukalitur – Saga Wool #8158 og Mohair Silk #8150. Báðir þræðir prjónaðir saman. PRJÓNAR Hringprjónar nr. 4 og 4.5 (40 og 80 cm) Sokkaprjónar nr. 4.5 PRJÓNFESTA 10x10 cm = 19 L x 28 umf eftir þvott AÐFERÐ Bylgja er einföld peysa með kvartermum. Hún er prjónuð ofan frá og niður, á prjóna nr 4.5. Notað er talsvert grófara garn en í aðallit til að fá bylgjur og effekt í berustykkið. Ermar eru prjónaðar með aðallit. Peysan kemur í einni stærð en auðvelt er að stækka hana með því að nota stærri prjóna eða minnka hana með því að nota minni prjóna.