HAFLeynisjal prjónauppskrift

Sjalið Haf er hannað í samvinnu við Icewear Garn, sem leyni-samprjón vorið 2026. Eins og nafnið gefur til kynna er þemað í mynstri sjalsins tengt hafinu, bæði því sjálfu og ýmsu sem þar má finna. Sjalið er prjónað í þremur áföngum úr Nordic Mini garninu frá Icewear Garn. Ég gerði að gamni tillögu að fjórum litasamsetningum. Að sjálfsögðu má breyta um liti að vild Lögun sjalsins er nokkurn veginn U-laga, með skýrri miðju og tveimur vængjum út frá henni. Stærðin er nokkuð hefðbundin af sjali að vera. EFNI Nordic Mini: Brúntóna Rauðtóna Græntóna Blátóna Litur 1: 9165 8010 5094 4008 Litur 2: 9055 2132 9910 2016 Litur 3: 9063 2016 6030 4019 Litur 4: 9115 2041 5130 1007 Litur 5: 1005 1000 1005 1005 Varðandi litavalið, þá er æskilegt að litir 1 og 4 tóni vel saman. Skemmtilegt gæti verið að nota glitgarn hér og hvar, til að draga fram ákveðin mynstur. Það kemur betur í ljós í hverjum hluta fyrir sig. PRJÓNAR Hringprjónn, amk 80 cm langur. 3-3,5 mm eftir því hvað prónað er fast. Nota má sokkaprjóna (sama stærð) í upphafi fyrsta hluta, eða magic loop. PRJÓNFESTA Slétt prjón, fram og til baka: 22L = 10cm. Þar sem um sjal er að ræða er prjónfestan ekki heilög, fleiri lykkjur á 10 cm gefa minna sjal, færri lykkjur stærra. Fylgihlutir: Geymslusnúra, ca 1m löng. Prjónamerki, opnanleg prjónamerki/geymslunælur, stoppnál.