NÁTTÚRABarnapeysa prjónauppskrift

Náttúru barnapeysa er ein af þremur uppskriftum sem unnu til verðlauna í hönnunarsamkeppninni Sumarpeysan 2025. Systkinin Jana Lind Ellertsdóttir og Úlfur Guðnason (8 ára) hönnuðu peysuna með íslenskt sumar í huga. Úlfur teiknaði og litaði munstrin. Hann vildi hafa peysuna með munstri sem er innblásið úr öllu því skemmtilega sem íslensk sumar býður upp á; berjum, dýrum, blómum og landslagi. Jana Lind reiknaði út munstrið, bjó til uppskrift og prjónaði eftir teikningum bróður síns. Litríka náttúru sumarpeysan er hönnuð fyrir krakka sem vilja skemmta sér í íslensku sumri, hvort sem það er niðri í fjöru, uppi á fjalli eða í útilegu með fjölskyldunni STÆRÐIR 3-4 ára 5-6 ára 7-8 ára 9-10 ára Ummál 71 cm 75.5 cm 80 cm 85 cm Lengd á bol frá handvegi 28 cm 30 cm 32 cm 34 cm Ermalengd frá handvegi 26 cm 30 cm 34 cm 38 cm EFNI Saga Wool frá Icewear Garn, 100% ull (50 g/ 100 m). Litur 1 (9115): 200-250-300-350 g Litur 2 (4141): 50-50-50-50 g Litur 3 (5194: 50-50-50-50 g Litur 4 (0001): 50-50-50-50 g Litur 5 (6035/01): 50-50-50-50 g Litur 6 (9063): 50-50-50-50 g Litur 7 (1000): 50-50-50-50 g Litur 8 (2131): 50-50-50-50 g Litur 9 (3140): 50-50-50-50 g PRJÓNAR Hringprjónar nr. 4.5 og 5 (40 og 60 cm langir) Sokkaprjónar nr. 4.5 og 5. PRJÓNFESTA 10X10 cm = 18 lykkjur og 24 umferðir í sléttu prjóni á prjóna nr. 5. AÐFERÐIR Bolur og ermar eru prjónuð í hring með munsturprjóni. Við handveg eru lykkjur af ermum og bol sameinaðar á einn prjón og berustykki prjónað í hring með munsturprjóni. Munstrin passa öll fyrir 8 lykkjur (nema sólin) og skemmtilegt er að leika sér að því að breyta uppröðun munstra eins og hver vill. Einnig er hægt að endurtaka munstur ef þarf, til að ná þeirri lengd sem óskað er eftir. * Aðeins fáanleg á íslensku