OEKO-TEX® STANDARD 100 vottaðar vörur
Meirihluti af vörulínu Icewear er OEKO-TEX® STANDARD 100 vottaður en þar má nefna skel- og regnfatnað, ullarfatnað, ullareinangrun, allt Icewear garn og Black Sheep útivistarlínan. Vottunin er staðfesting frá þriðja aðila að vörurnar innihaldi ekki skaðleg efni fyrir okkur eða umhverfið.
OEKO-TEX® STANDARD 100 Icewear vörur
Hvað er OEKO-TEX® STANDARD 100?
OEKO-TEX® STANDARD 100 er virtasta vottun textíliðnaðarins á heimsvísu, sem tryggir að vörur séu prófaðar á yfir 350 efnum og lausar við skaðleg efni. Það er að segja að viðskiptavinurinn getur verið viss um að hann er að kaupa vottaða flík af óháðum aðila sem er hvorki vörumerkið sjálft né framleiðandinn. Allt efni sem er notað í flíkina: efni, tvinni, teygjur, rennilásar, smellur o.s.frv. hefur verið prófað fyrir skaðlegum efnum og er því öruggt.
Allar vottaðar Icewear vörur bera QR kóða þar sem viðskiptavinir geta fengið frekari upplýsingar um gæðin á bak við vöruna, en einnig er hægt að lesa sér til um gæðastimpilinn á heimasíðu OEKO-TEX®.








