Jólahúfa og hárband prjónauppskrift

Skemmtileg jólahúfa og eyrnaband fyrir börn og fullorðna. STÆRÐIR S - M - L - XL Ummál húfu/eyrnabands, flatt: ca 44- 47 - 50 - 53 cm EFNI Nordic Mini frá Icewear, 100 % merino ull og Mohair Silk, 65 % Mohair og 35 % silki, prjónað saman. Ein dokka af hverjum lit. PRJÓNAR Sokkarprjónar eða stuttur hringprjónn nr 3.5. PRJÓNFESTA 10 cm = 23 lykkjur á prjóna nr 3.5. AÐFERÐIR Prjónað er í hring. Hægt er að gera margar mismunandi útgáfur með því að velja úr 7 munstrum sem fylgja uppskriftinni og raða þeim saman. Húfan er prjónuð í hring, neðan frá og upp. Byrjað er á því að prjóna um það bil 8.5 cm með aðallit og síðan er munsturbekkur prjónaður. Þegar búið er að prjóna munsturbekk er brotið á verkið og það prjónað niður til að tvöfaldur kantur myndist. Eftir það er kollur prjónaður og úrtaka gerð í lokin. Eyrnabandið er prjónað í hring. Byrjað er á því að prjóna ca 8.5 cm sl með aðallit. Síðan er prjónuð 1 brugðin umferð til að gera fallegt brot. Að því loknu er prjónað samkvæmt munsturmynd og fellt af í lokin þannig að eyrnabandið verði tvöfalt. * Aðeins fáanleg á íslensku