Um mannauð Icewear
Icewear er íslenskt útivistarvörumerki og á sögu allt aftur til ársins 1972. Vörulína Icewear er mjög stór og saman stendur af fjölbreyttu úrvali af útivistarfatnaði, ullarvörum og helstu fylgihlutum til útivistar fyrir bæði börn og full orðna. Allar vörur Icewear eru hannaðar á Íslandi fyrir íslenskar aðstæður. Icewear leggur ávalt mikið upp úr sann gjörnu verði, fjölbreyttu úrvali og góðri þjónustu enda er útivist fyrir alla. Verslanir Icewear eru í dag 22 talsins og eru staðsettar um land allt undir merkjum Icewear, Icewear Magasín, Icemart, Arctic explorer, Saga og Vík ásamt vöruhúsi og höfuðstöðvum. Þá er vefverslun Icewear mjög vinsæl og selur út um allan heim. Helstu vöruflokkar Ice wear eru útivistarfatnaður, ullarvörur og minjagripir. Verslanir Icewear eru staðsettar í Reykjavík, Akureyri, Kópavogi, Vestmannaeyjum, Þingvöllum og við Goðafoss og í Vík í Mýrdal. Fyrirtækið hefur verið ört vaxandi og hjá Icewear starfa í dag um 250 manns. Icewear / Drífa ehf hefur verið framsækið og ört vaxandi fyrirtæki undanfarin ár.
Fjölgun starfsmanna er ein af stærstu áskorunum fyrirtækisins. Án starfsmanna væri lítill framgangur og gera stjórnendur sér grein fyrir mikilvægi góðs starfsfólks. Lögð er áhersla á gott vinnuumhverfi fyrir starfsmenn á öllum starfsstöðvum fyrirtækisins. Mannauðsstefna Icewear sem hér er kynnt lítur að mörgum þáttum sem styður við stef nu fyrirtæksins. Icewear er framsækið, kröftugt, og lifandi fyrirtæki sem sækir í dugmikið, sjálfstætt og hugmyndaríkt starfsfólk. Störfin eru fjölbreytt og því þarf fyrirtækið ólíka starfsmenn með ólíka reynslu og menntun.
Lykill af góðum árangri má finna í öflugu starfsfólki. Icewear leitast eftir að ráða starfsfólk sem vinnur af ástríðu og eldmóði. Mörg spennandi störf eru í boði hjá fyrirtækinu og því er starfsþróun og tækifæri víða fyrir starfsfólk okkar og lögð áhersla á að halda öflugu fólki, þjálfa það og veita því framgang eins og kostur er. Nokkrir lykilþættir eru hafðir að leiðarljósi í mannauðsstefnu Icewear. Þættir sem stuðla að starfsánægju, tækifærum, þjálfun og þróun, jafnrétti og öryggi starfsmanna. Einnig að starfið stuðli að því að starfsmenn vaxi, eflist og þróist í takt við störf sín innan fyrirtækisins að ógleymdu að hafa gaman í vinnunni og virkja félagsleg tengsl og félagslegt öryggi um leið.
Vellíðan á vinnustað
Lögð er áhersla á að skapa góðan starfsanda og liðsheild meðal starfsmanna. Samskiptasáttmáli er samþykktur, sýnilegur og hafður að leiðarljósi í samskiptum starfsmanna allra.
Starfsfólk sýnir hvert öðru virðingu. Einelti, ofbeldi og áreiti ekki liðið.
Áætlun í „ekko“ málefnum til stuðnings og kunnugt starfsfólki.
Hlustað er eftir viðhorfi starfsfólks þegar kemur að starfsumhverfi og starfsánægju.
Lögð er áhersla á traust, sjálfstæði og að frelsi starfsmanna til góða verka og athafna sé virkjað. Að hæfileikar hvers og eins fái notið sín eins og kostur er.
Regluleg starfsmanna og frammistöðuviðtöl. Þar sem markvisst er rætt hvernig starfsmönnum líður, hvað má betur fara og hvað er vel gert. Endurgjöfin skal stuðla að betri líðan, að markmið séu skýr og starfsmaður viti hvað er ætlast til af honum. Einnig fá stjórnendur betri innsýn í framgang starfsmanna sinna og geta gripið inn í aðstæður, bætt og lagað sé þess þörf.
Starfsfólk Icewear vinnur í teymum þar sem sækja má í stuðning og styrk til samstarfsfólks. Við teljum mikinn styrk liggja í samvinnu og samstarfi þvert á deildir og vinnustaða Icewear.
Markmið Icewear er að stuðla að jafnvægi milli vinnu og einkalífs. Við viljum að starfsfólk geti sinnt áhugamálum sínum og að heilsueflandi þættir fái svigrúm hjá starfsfólki okkar með einhverjum hætti. Við fræðum starfsfólk um mikilvægi hvíldar og svefns, mikilvægi góðs matarræðis og hreyfingar og munum framfylgja þessu með úrræðum sem hvetur starfsfólks til umhugsunar og þátttöku í verkefnum þessu tengdu.
Öflugir Leiðtogar
Leitast er við að efla starfsfólk og finna sterka leiðtoga til að leiða fyrirtækið áfram, hönnuðir, verslunarfólk, markaðsfólk, tölvusérfræðingar, grafískir hönnuðir sem og starfsmenn í vöruhúsi og á skrifstofu fyrirtækisins. Allt mikilvægir starfsmenn sem krefjast ólíkra hæfileika, menntunnar og reynslu. Icewear vill styrkja og fræða sitt fólk og gera það sterkara í sínum störfum á vegum fyrirtækisns.
Markviss leiðtoga og stjórendafræðsla.
Sterkir leiðtogar sem sýna, dugnað og vilja og hafa reynslu og menntun sem nýtist til að sinna áframhaldandi uppgangi fyrirtækisins fá tækifæri á að þróast og efla sig enn frekar.
Að finna rétta fólkið
Faglegt ráðningarferli sem leitast eftir að ráða rétt fólk í hverja stöðu.
Stefnt að því að halda góðu starfsfólki með því að bjóða upp á spennandi og lifandi vinnustað, bjóða starfsfólki tækifæri til að þróast í starfi, eflast og verða betri starfsmenn.
Störf auglýst meðal starfsmanna og innan fyrirtækisins sem býður upp á þróun og tækifæri sé vilji starfsmanna til þess.
Stjórnendur sinna sínu starfsfólki af fagmennsku og metnaði, veita endurgjöf og styðja við sitt fólk í daglegum störfum þess.
Stöðug starfsþróun
Markviss þekkingarmiðlun og fjölbreytt þjálfun og fræðsla
Áætlun um vöxt í starfi þar sem hoft er til frammistöðu, viðhorfs og metnaðar.
Starfsfólk er meðvitað um tilgang þess í starfi og helgar sig stefnu og framtíðarsýn Icewear.
Jafnrétti, fjölbreytileiki, góð samskipti og hvatning
Lögð er áhersla á jafnrétti og fjölbreytileika.
Virðing fyrir fólki af ólíkum uppruna, s.s. þjóðerni eða kynferði höfð að leiðarljósi í daglegum samskiptum og sem markmið. Einnig í samræmi við samskiptasáttmála Icewear.
Mikil áhersla lögð á góð samskipti, endurgjöf, teymis- vinnu, stuðning samstarfsfélaga og hvatningu.
Regluleg samtöl við stjórnendur sem liður í stefnu um jákvæð samskipti á vinnustað, liður í bættri starfsánægju og góðum starfsanda.
Unnið að samþykkt stefnu um jafnlaunavottun.
Fræðslumál og mótttaka nýrra starfsmanna
Til að tryggja góða þjónustu til viðskiptavina er markviss fræðsla fyrir starfsmenn mikilvæg. Regluleg fræðsla fyrir alla starfsmenn er í forgangi í allri þjálfun þeirra, m.a. sölunámskeið, þjónustunámskeið, öryggis námskeið ásamt fleiru.
Meistaraskóli Icewear hefur verið stofnaður þar sem regluleg námskeið fara fram til þess að styrkja og fræða starfsfólk.
Móttaka nýliða er markviss þar sem nýju starfsfólki er fylgt eftir, því kennt fyrstu daga í nýju starfi og því meiri lýkur á að því líði vel og geti sinnt starfi sínu á betri hátt.
Gaman saman í vinnunni
Í takt við eina af stefnum okkar í mannauðssmálum, að líða vel í vinnunni er mikilvægt markmið hjá okkur í Icewear - að hafa gaman í vinnunni! Við finnum leiðir til þess í daglegum störfum okkar en höfum einnig viðburðadagskrá fyrir árið. Þar er boðið upp á samveru utan vinnutíma, gönguferðir, keilumeistarann, páskabingó, fjölskylduhátið og árshátíð sé eitthvað nefnt. Með það að leiðarsljósi að efla starfsandann, gefa fólki tækifæri á að kynnast utan hefðbundins vinnutíma og skapa góðar minningar innan vinnuhópa.
Uppfært og yfirfarið janúar 2023.