Kynningar

Fatnaður fyrir golfið

Icewear býður upp á frábærar útivistarvörur sem hentar einsaklega vel fyrir golfið. Vörurnar henta þeim sem vilja sameina hreyfanleika, þægindi og vernd gegn íslensku veðri. Flíkurnar eru úr léttum og endingagóðum efnum sem veita góða teygju, öndun og vatnsfráhrindandi vörn. Hvort sem þú ert á teig í morgunkulda eða að klára völlinn í rigningu, heldur Icewear þér þurrum og hlýjum 18 holur.

Lesa meira

Outlet

Fjölbreytt úrval af útivistarfatnaði og ullarvörum á afslætti í outlet-verslunum okkar. Þar má finna vörur á lækkuðu verði, þar á meðal úlpur, jakkar, buxur og fylgihlutir fyrir alla fjölskylduna. Outlet-verslanir Icewear eru staðsettar á Laugavegi 91 og Fákafeni 9 í Reykjavík, auk þess sem hluti af úrvalinu er aðgengilegur í vefverslun Icewear. Outlet fyrir konur og karla Fjölbreytt úrval af útivistarfatnaði fyrir konur og karla á frábæru verði. Allt frá léttum dryfit bolum yfir hlýjar peysur, jakka og úlpur. Úrval í vefverslun ásamt enn meira úrvali í Outlet verslunum Icewear. Outlet fyrir börn og fylgihlutir Flott úrval af útivistarfatnaði fyrir börn sem meðal annars er einangraður með íslenskri ull. Flíspeysur, hettupeysur og joggingbuxur ásamt fleiru fyrir börnin. Einnig má finna fylgihluti líkt og sokkar, húfur og eynabönd á betra verði í vefverslun og Outlet verslunum Icewear. Fyrir þá sem leita að vönduðum útivistarfatnaði og ullarvörum á hagstæðu verði er Icewear outlet kjörinn kostur. Verslanirnar eru opnar alla virka daga og um helgar, en nánari upplýsingar um það má finna undir opnunartímar.

Lesa meira

Gjafahugmyndir

Mæðradagurinn 2026 Á mæðradaginn er tilvalið að koma mömmu eða ömmu á óvart með fallegri gjöf. Hjá Icewear er hægt að finna vandað úrval gjafa eins og glæsilega sundboli og hagnýtar töskur fyrir sundkonuna, hlýtt grunnlag og mjúka ullarsokka fyrir útivistarkonuna og falleg teppi fyrir þær sem elska notalegheit heima í stofu. Komdu henni á óvart með gjöfum sem hlýja og gleðja. Icewear er með fjölbreytt gjafaúrval fyrir alla fjölskylduna fyrir ýmis konar tilefni líkt og jólagjafir, afmæli, útskriftir, sumargjafir, brúðkaup, fermingar og önnur tilefni. Gjafahugmyndir fyrir hann/hana Hjá Icewear er hægt er að finna stórar jafnt sem smáar gjafir fyrir hann eða hana. Hlýjir og góðir sokkar, húfa, hanskar eða trefill eru klassískar og nytsamlegar gjafir fyrir allan aldur. Veigameiri afmælisgjöf gæti verið allt frá hlýjum úlpum yfir í útivistarbúnað á borð við göngubakpoka, göngustafi og skófatnað. Gjafir fyrir börn Hlý flíspeysa er klassísk og nytsamleg flík fyrir börn og því fullkomin minni jólagjöf eða afmælisgjöf fyrir börn. Kuldagallar líkt og /eða úlpur eru flottar stærri gjafir fyrir börn. Einnig má finna léttari jakka og jogging galla sem eru alltaf vinsælar gjafir fyrir 10 ára og yngri. Mikið úrval af smágjöfum fyrir bekkjarafmæli er í boði hjá Icewear en hægt er að finna sniðugar, ódýrar gjafir á borð við ennisbönd, húfur eða hanska sem koma sér alltaf vel. Óskalistinn þinn Vinir Icewear geta gert Óskalista og deilt með vinum og fjölskyldu. Það eina sem þú þarft að gera er að skrá þig inn á mínar síður, ýta á hjartað hjá þeirri vöru sem þig langar að bæta við á listann, ýta á Deila listanum og þá færðu hlekk til þess að deila áfram. Það er svona einfalt. Auðveldaðu jólainnkaupin með Óskalistanum frá Icewear. Gjafakort Icewear Icewear býður upp á hefðbundið gjafakort sem er fáanlegt í öllum helstu verslunum Icewear ásamt því er hægt að kaupa rafrænt gjafakort á sala@icewear.is. Hægt er að setja rafræna gjafakortið í Apple og Android símaveskið og borga þannig með því í gegnum símann.

Lesa meira

Grunnlag

Grunnlagið er lykillinn að þægindum í útivist Í hinu síbreytilega loftslagi á Íslandi er lagskipting snjallasta leiðin til að klæða sig fyrir útivist. Hvert lag vinnur með öðru til að stýra líkamshita sem tryggir vellíðan í hvers kyns veðri. Grunnlag er klæðnaðurinn næst húðinni og gegnir lykilhlutverki í að stýra rakastigi líkamans með því að draga svita frá húðinni. Án réttrar rakastýringar kólnar svitinn á húðinni, sem getur lækkað líkamshita og valdið óþægindum. Val á réttu grunnlagi Mikilvægt er að velja rétt efni þegar kemur að grunnlagi svo það sinni hlutverki sínu sem best. Grunnlög Icewear eru úr merino ull sem hentar einstaklega vel til útivistar í köldu veðri. Ullin er létt og mjúk viðkomu ásamt því að náttúrulegir eiginleikar hennar hjálpa til við að viðhalda líkamshita og draga raka frá húðinni. Auk þess hefur ullin bakteríueyðandi eiginleika sem halda líkamslykt í lágmarki og þess vegna getur verið nóg að einungis viðra flíkina í stað þess að þvo hana. Grunnlag fyrir börn Gott grunnlag er ómissandi í útiveru barna svo þau geti leikið sér í öllum veðrum. Grunnlög Icewear fyrir börn eru með mjúkri teygju án þess að vera fyrirferðamikil, þannig að börnin geta hreyft sig frjálslega og notið útiverunnar til fulls.

Lesa meira

Regnfatnaður fyrir íslenska veðráttu

Icewear býður upp á gott úrval af regnfatnaði bæði á fullorðna og börn, hvort sem það er regnjakki, regnkápa eða regnbuxur. Þín útivist, þín ánægja. Skel - og regnfatnaður fyrir konur Fyrir lengri útivist er gott að eiga regnjakka og regnbuxur sem anda en hlífa okkur engu að síður vel fyrir ágengri rigningunni við hvers kyns afþreyingu, hvort sem stefnan er tekin á Esjuna eða út að plokka. Hjá Icewear má finna frábært úrval af skel- og regnjökkum fyrir konur. Skel - og regnfatnaður fyrir karla Íslensk veðrátta hlífir engum og því er mikilvægt að vera vel útbúinn á fjöllum og í annarri útivist. Útivistarfatnaður úr skelefni, regn- og göngufatnaður fyrir ýmsar aðstæður. Skoðaðu úrvalið af útivistarfatnaði fyrir karla. Skel - og regnfatnaður fyrir börnin Icewear býður upp á léttan og lipran regnfatnað fyrir börn sem eru bæði vatns- og vindheld og verja mann fyrir íslenskri veðráttu. Njótið íslenska veðursins í allri sinni fegurð, hvort sem það er sól, rigning eða slydda. Fylgihlutir fyrir íslenskt veðurfar Fylgihlutir fyrir rigningardaga bjóða upp á aukin þægindi og vellíðan sem þú munt vera þakklátur fyrir. Hvort sem leitað er eftir húfu, vettlingum, tösku eða öðru þá má finna fylgihluti sem henta vel allt árið um kring hjá okkur.

Lesa meira

Vetrarfatnaður

Komdu með...í útivist! Hvað er meira „fönn“ en að njóta íslenska vetursins í hlýjum og notalegum útivistarfatnaði? Hvort sem þú ert að skella þér í fjallgöngu, renna þér á skíðum eða njóta ferska vetrarloftsins, þá hefur Icewear allt sem þú þarft til að halda á þér hita – og líta vel út á sama tíma! Fjölbreytt úrval af einangruðum úlpum, hlýjum jökkum, mjúkum ullarpeysum, þægilegum grunnlögum og öðrum gæða útivistarfatnaði fyrir alla. Úrval af vetrarúlpum Icewear býður upp á fjölbreytt úrval af hlýjum og endingargóðum vetrarúlpum með íslenskri ullarfyllingu, dún eða annarri einangrun sem veitir góða vörn gegn kulda, vindi og snjó í íslenskum aðstæðum. Útivistarfatnaður með íslenskri ullarfyllingu Íslenska ullin er einn allra besti valkosturinn fyrir útivistarfatnað vegna einstöku hæfileika hennar á að viðhalda jöfnum líkamshita við síbreytilegar aðstæður og hreyfingu. Útivistarlína Icewear með íslenskri ullarfyllingu samanstendur af mismunandi stílum af útivistarfatnaði og fylgihlutum fyrir hvaða útivist sem er.

Lesa meira

Íslensk ullareinangrun

Útivistarfatnaður Icewear með íslenskri ullarfyllingu er umhverfisvænn valkostur. Íslenska ullin er þekkt fyrir einstaka eiginleika sína, hún andar vel, er með góða vatnsheldni ásamt því að viðhalda jöfnum og stöðugum líkamshita í síbreytilegum útivistaraðstæðum. Ullareinangraða lína Icewear samanstendur af úlpum, jökkum, vestum, buxum og fylgihlutum í mismunandi stílum fyrir allan aldur.

Lesa meira

Grænlenskur innblástur í prjóni

Á heimskortinu sést augljóslega að Ísland er nokkuð grænt en Grænland er að miklu leyti þakið ís, þrátt fyrir að nöfn landanna bendi til hins gagnstæða. Aðeins eru um 300 kílómetrar á milli landanna og þjóðirnar sem þau byggja eiga það sameiginlegt að þekkja áskoranirnar sem fylgja því að búa við Norður-heimskautsbaug.   Hönnun mótuð af norðurslóðum  Bæði Ísland og Grænland teygja sig langt í norður á jarðkúlunni en loftslag landanna er afar ólíkt. Grænland nær lengra í norður en Ísland og er kaldara, og ísbreiða þekur næstum allt landið. Í báðum löndum er þó nauðsynlegt að geta klætt sig í góðan fatnað sem þolir kulda og vind og ver líkamann vel gegn náttúruöflunum. Þessar þarfir hafa í gegnum tíðina leitt til sterkra hefða í klæðaburði, bæði hvað varðar efnistök og notagildi. Þetta má til dæmis sjá í hefðbundnum lopapeysum.  Grænlensk áhrif á lopapeysuna  Þótt hún virðist vera rótgróin við gamla tíma er lopapeysan,  eins og við þekkjum hana flest í dag, tilkomin á tuttugustu öldinni. Hefðbundin lopapeysa er með hringmynstri á berustykki en þessi prjónaaðferð er ekki alíslensk uppfinning. Hugmyndin barst hingað til lands með menningarskiptum rétt um miðja öldina, innblásin af þjóðbúningi grænlenskra kvenna og þá sérstaklega nuilarmiut, hringlaga perlukraga sem er lagður yfir axlirnar.   Hönnunin var fyrst sett fram í prjónamynstri norska hönnuðarins Annichen Sibbern Bøhn sem var gefið út í bókinni Strikkeopskrifter árið 1932. Mynstrið var kallað Eskimói og í því fangaði Annichen geómetríska fegurð grænlenska perlukragans, ásamt því að kynna aðferðina við að prjóna hringmynstur í berustykki fyrir skandinavísku hannyrðafólki.  Íslenskun mynstursins og nýsköpun  Um sjötta áratuginn hafði grænlenska mynstrið náð til Íslands og birtist í desembertölublaði tímaritsins Melkorka árið 1956 undir heitinu Grænlenzk peysa. Íslenskir prjónarar breyttu svo og bættu við uppskrift og aðferð með því að nota lopa í peysurnar. Lopi er óspunnin ull sem varðveitir tvöfalt trefjalag ullarinnar eins og það er á kindinni sjálfri svo úr verður létt flík sem einangrar einstaklega vel í öllum veðrum.  Þótt Íslendingar hafi sjálfir kallað peysurnar „grænlenskar“ til að byrja með er þó athyglisvert að frændur vorir í Svíþjóð og Danmörku fóru fljótlega að kalla þær íslenskar peysur”, sem sýnir hversu snemma hönnunin varð að táknmynd fyrir Ísland. Grænlensk áhrif og innblástur  Grænlensk áhrif finnast enn í prjónafatnaði á Íslandi, þar á meðal hjá Icewear Garn, sem býður upp á fjölbreytt úrval prjónauppskrifta eftir hönnuðinn Lisu Sólrunu sem nýtir grænlenskan, danskan og færeyskan uppruna sinn í uppskriftirnar. Grænlenski þjóðbúningurinn hefur verið henni innblástur í starfinu en hann má meðal annars sjá í hefðbundnum mynstrum og litum, en hver litatónn hefur dýpri merkingu eftir svæðum, aldri og við hvaða tækifæri klæðnaðurinn er notaður. Til dæmis tákna bleikir tónar æskuna, rauður er þroski og dekkri tónar af rauðum og bláum tákna efri ár.  Um hönnuðinn Lisa Sólrun er meðal fárra prjónahönnuða á Grænlandi sem hannar eigin prjónauppskriftir. Hún er menntaður iðjuþjálfi og starfar sem ráðgjafi hjá Heilbrigðisráðuneyti Grænlands samhliða skapandi starfi sínu. Hún lærði að prjóna fimm ára gömul af ömmu sinni og móður og hefur haldið áfram alla tíð. Frá árinu 2021 hefur Lisa Sólrun hannað eigin uppskriftir, sem hún nefnir eftir börnum sínum og barnabörnum og gefur þannig hverri hönnun persónulega merkingu. Uppskriftir hennar eru aðgengilegar á vefsíðu Icewear.

Lesa meira

Jólaprjón Icewear Garn 2026

Icewear Garn efnir til hönnunarsamkeppni á handprjónuðum eða hekluðum flíkum fyrir jólin 2026. Hvað á að hanna? Hægt er að velja flíkur fyrir þrjá mismunandi flokka. Flokkur 1: Fullorðins peysur. Flokkur 2: Barnapeysur. Flokkur 3: Fylgihlutir (til dæmis húfur, sokkar, vettlingar, kragar og treflar). Hvaða garn á að nota: Hægt er að velja um allar tegundir af Icewear garni. Skilafrestur: 1. maí 2026. Hverju þarf að skila inn: Prjónuðu sýnishorni ásamt uppskrift með upplýsingum um hvaða Icewear garn er notað. Merkt: Jólapeysa Icewear Garn 2026 Hvert á að skila flíkunum? Icewear, Suðurhrauni 10, 210 Garðabæ Veitt verða þrenn verðlaun, 1 verðlaun fyrir hvern flokk. Hver verðlaunahafi fær 100.000 kr inneign hjá Icewear. Allar þær uppskriftir verða settar í sölu og fær hver hönnuður 50% af hverri seldri uppskrift hjá Icewear þ.e. af sinni uppskrift).

Lesa meira

Fatnaður og gjafir fyrir starfsfólk

Icewear einfaldar fyrirtækjum að velja starfsmannafatnað og gjafir fyrir starfsmenn eða viðskiptavini hvort sem um ræðir vörur eða gjafakort. Fyrirtækjaþjónusta Icewear býður upp á sérsniðnar og hnitmiðaðar hugmyndir fyrir þinn starfsmannahóp sem stuðlar að aukinni útivist og vellíðan. Fyrirtækjaráðgjafar Icewear aðstoða öll fyrirtæki stór sem smá á sala@icewear.is.

Lesa meira

Vetrarfatnaður

Vetur konungur ræður ríkjum og þá þarf að klæða börnin í hlýjan og skjólgóðan vetrarfatnað. Icewear býður upp á úlpur, kuldagalla og snjóbuxur í miklu úrvali á góðu verði. Hlýjar yfirhafnir fyrir káta krakka Kátum krökkum þykir skemmtilegt að leika sér í snjónum á veturna. Hlýir kuldagallar eða úlpa og snjóbuxur eru nauðsyn til að njóta útiverunnar og leikjanna til hins ýtrasta. Parka úlpur, dúnúlpur og aðrar hlýjar yfirhafnir halda á þér hita á leiðinni í skólann eða leikskólann með börnin. Icewear Magasín Smáralind býður upp á úrval af vetrarfatnaði á alla fjölskylduna á hagstæðu verði. Einnig er hægt að skoða úrvalið í glæsilegri vefverslun Icewear. Frí heimsending um land allt.

Lesa meira

Gjafakort

Gjafakort Icewear er þægileg og einföld leið til að gefa gjöf sem hentar fyrir hvaða tilefni sem er. Icewear býður upp á bæði hefðbundið gjafakort og rafrænt gjafakort sem hvoru tveggja virka í bæði verslununum og vefverslun. Icewear býður upp á hefðbundið gjafakort sem er fáanlegt í öllum helstu verslunum Icewear ásamt því er hægt að kaupa rafrænt gjafakort á sala@icewear.is. Hægt er að setja rafræna gjafakortið í Apple og Android símaveskið og borga þannig með því í gegnum símann. Gjafakortið gildir í 4 ár frá kaupdegi. Innistæðuna á kortinu er hægt að sjá bæði á kortinu sjálfu með því að nota QR kóða á bakhlið kortsins og einnig á rafræna gjafakortinu í veskinu í símanum. Hægt er að skoða stöðu gjafakorts hér. Kortið nýtist sem greiðsla fyrir gildandi verð í verslun. Önnur sérkjör gilda ekki við notkun kortsins. Hægt er að nýta sérkjör við kaup á gjafakorti og því gilda sérkjör líkt og til Vina Icewear ekki þegar gjafakort er nýtt sem greiðsla í verslun eða vefverslun.

Lesa meira